You are Useful .. You Are Famous

ال marketing هو روح و اساس وجود اي منشأه في الدنيا سواء كانت هادفه للربح او غير هادفه للربح , لان لو مفيش عملاء يبقي مفيش Business و ولو مفيش Business يبقي انا شركتي فاشله

, بس انا عايزه المره دي اتكلم عن ال Marketing بطريقه مختلفه , يعني و لا هشرح Market Segmentation ولا هقول Inbound ولا هقول Buyer Persona انا هتكلم عن فكره في دماغي بتراوضني مفهاش كلام علمي كبير و لكن ممكن يكون فيها استفاده للعميل و اللي مش عميل.

طب ايه هي الفكره ؟

ال Campaign من وجهة نظري لما بتتقسم بين inbound و outbound بتكون ناجحه جدأً و مجديه و بتوصل لناس كتير من ال leads بتوعك بس , ليه ماحدش فينا بيفكر شويه في حق المجتمع علي المؤسسه بتاعتي ازاي ممكن نحسن اساليب ال Marketing مش بس عشان تستفيد كفرد او كصاحب شركه بس كمان عشان تكون مفيد لافراد تانيه كتيره او مفيد لمجتمع بالكامل في نفس الوقت و بنفس المجهود والتكلفه .. فكر ازاي ممكن تطلع بمصلحه من الحمله لنفسك او لشركتك بس ممكن كمان تفكر في نفس الوقت ازاي الناس البسيطه تطلع منك بمصلحه , بافكار بسيطه, بس لو فكرت شويه في المصلحه المشتركه هاتطلع بحاجه مفيده للطرفين..

بردو محدش فاهمني , طيب انا هشرح بأمثله بس خليني ابدأ بجمله مهمه "على قد ما هاتكون useful على قد ما هاتكون famous "

ازاي؟؟ خليني اقولك على مثال : كلنا عارفين ال Campaign بتاعت Pepsi في رمضان 2011 "افكركو بيها" الفكره بسيطه جدا و عجبتني انا كمستهلك , الشركه فكرت ازاي تطلع من Season مهم بالنسبه ليها ب ROI عاليه و في نفس الوقت ازاي ممكن تعمل خدمه للناس البسيطه "فكرة الافاده والاستفاده" , الموضوع كله انو كل اللي هاييجي من Profit المبيعات هايروح جزء منه لمساعدة الفقرا أو تحسين منظومة التعليم , طب انا كمستهلك فكرت ازاي ؟؟؟ منتجات Pepsi مهمه جدا في كل بيت بالذات على الاكل , انا كمان عايزه اساعد بس, انا كمستهلك ضربت عصفورين بحجر جبت منتج مهم بالنسبالي (و فضلته علي المنافس) و كمان تكلفته هاتروح في شكل مساعده للناس .

على فكره الحمله دي كانت من انجح الحملات اللي عملتها Pepsi , وكمان نتايج المبيعات فيها كانت اعلي من اي سنه.

مثال تاني ال Campaign بتاعت MacDonald's المستمره اللي هي سلات القمامه اللي موجوده في مناطق كتيره جداً في مصر لا وعملو كمان السله شكلها جميل و عليها اللوجو بتاعهم يعني نقول بالبلدي "منه سله قمامه و منو Banner ليهم "

تحيه مني لفريق عمل MacDonald's لانهم فعلاً منفذين فكره كويسه.

و في امثله كتير جداً في مصر و بره مصر لمؤسسات كبيره دخلت جزء من الخير جوه حملتها التسويقيه

و لكن ان اكبر و اسهل ازمه ممكن نحلها هي ازمه القمامه لان ببساطه جدأ لو عملت ال Outdoor banner بتاعك علي شكل سله قمامه صغيره هتستفيد نفس الاستفاده التسويقيه بس كمان هتفيد المجتمع اللي المؤسسه بتاعتك موجوده فيها طيب ايه كمان هيزودلك ال word of mouth جداً و كل الناس هتتكلم عنك و هيحكو عنها و هيزودلك جداً ال Customer Loyalty و نتايج ايجابيه تانيه كتيره جداً.

طب نتكلم كلام علمي شويه,

ببساطه جداً في حاجه اسمها social responsibility in marketing او المسئوليه الاجتماعيه في التسويق و ده فرع مهم جداً في التسويق لازم نكون فاهمينو و لو انت Marketer افهم عنو علشان تقدر تطبقه في شغلك.

مثال تاني توضيحي,

في دراسه بتقول ان مفيش بيت في الولايات المتحده الامريكيه مفهوش علي الاقل جهاز واحد ماركه Apple و لما عملو استطلاع راي كانت النسبه الاكبر بتقول نظرا لجوده المنتج و ناس تانيه قالت نظرا ان شركه Apple قدرت تفهم متطلبات المجتمع الامريكي و ساعدت المجتمع الامريكي في مجالات كتيره.

طيب يالا نذكر بعض النقاط الايجابيه في المسئوليه الاجتماعيه في التسويق,

• الاستثمار البسيط علي المسئوليه الاجتماعيه في اي Marketing Campaign بتخلق ارباح اكبر علي المدي الطويل بسبب ال word of mouth و ال Customer Loyalty.

• كمان ادخال المسئوليه الاجتماعيه في ال Campaign ليه قيمه مضافه مهمه جدا في ال Competition لان زي ما قولنا لو العميل واقف للاختيار ما بين منتجين و مش قادر يختار , لو في منتج فيهم , ليه مسئوليه اجتماعيه او بيشارك في النهوض بالمجتمع تأكد ان العميل هيروح للمنتج ده.

• و في نقاط تانيه كتير جداً افضل انك تبحث عنها بنفسك (لان ده افيد ليك).

لو انت Marketer و عندك Campaign هتعملها الفتره اللي جايه اعرف نقطه مهمه جداً و هي انك انت هتوصل ل Target Audience بتاعك من حملتك اما بقا لو حملتك فيها جزء صغير من المسئوليه الاجتماعيه انت هتوصل ل ال Target Audience بتوعك و كمان ... اخرين مش من ال Target audiane بس من افراد المجتمع اللي انت فيه هيتكلمو عن المنتج بتاعك بطريقه ايجابيه جداً طبعا ده غير جزاء عمل الخير.

و اخيرا ,, نفسي نستغل ال Marketing اللي هو في اعتقادي اهم عوامل وجود ال Business عشان نعمل حاجه مفيده و فعاله في مجتمعنا , لازم نفهم ان دورنا الاساسي ك Marketers هو اننا نكمل جزء من الدايره اللي عايشين فيها, و بلاش ندور بس على مصلحتنا بس , حاول كمان توظف مجالك عشان تفتح شباك صغير يخلينا ن Create شوية افكار جديده و متحضره نساعد بيها ناس تانيه و نتعلم فكرة التكامل .

يعني لو عنك Campaign الفتره الجايه ابدأ فيها و ( ربنا يوفقك ) بس متنساش انك تشوف مشكله صغيره في مجتمعك تبدأ تدخلها بشكل فيه Creativity في ال Campaign بتاعتك و لو انت مصري زي هتلاقي مشاكل كتيره و افكار كتيره تدخلها في ال Campaign و مش هتقصر علي ال Budget بشكل كبير بس صدقني هتفيد نفسك و شركتك و كمان هتفيد المجتمع.

#Uncategorized