سبع عوامل أساسيه تعمل بيهم أى أستراتيجيه:

By: Kareem Yahia
May 12, 2015
2 min read

عشان تعمل حملة تسويقية على ال social media لازم تبقى محدد لنفسك الmarketing strategy اللى هتشتغل على اساسها ما هو مش اى كلام وخلاص هنقول عليه حملة تسويقية أكيد لحد هنا كلنا هنبقى متفقين مع بعض على الكلام ده تعالوا نتكلم بالتفصيل شوية على ال social media strategy :-

-هو انت هتعمل marketing campaign ليه؟ السؤال داه مهم جدا ولازم تكون أجابتك عليه واضحة لان ده هيحدد حاجات كتير اوى بعد كدة فى الstrategy بتاعتك.

يعنى مثلا عايز ت increase el sales ولا عايز تعمل branding لازم يكون الموضوع واضح بالنسبة لك.

يبقى اول حاجة فى الاستراتيجى لازم تحددها هى

Business goals

-تانى حاجة لازم تكون عارفهاهى الmarket objectives خلى بالك كتير من الناس بيتلخبطوا بينهم وبيعتبروهم حاجة واحدة بس ده غلط عارف ليه؟ هقولك أنا خلينا نقول ان الbusiness goal بتاع الmarketing campaign اللى انت هتعملها لشركتك هى انك تعمل branding طيب تمام داه ال goal طيب أمتى اعرف أنه اتحقق بنجاح هو داه يا معلم ال objective هو بأختصار الطريقة اللى بتقيس بيها نجاح ال business goals اللى انت حاططها لل marketing campaign بتاعتك عشان كدة لازم تكون واضحة ومحددة أحنا مش جايين نهزر.

Market objective

-هما الcustomers فين؟ كتير بنشوف Marketing campaigns بتفشل أو مبتحققش اللى مطلوب منها لان الناس مبتتفعلش معها عارف داه سببه ايه انك مش محدد الcustomers بتوعك عشان كدة لازم تبقى عارف المنتج او الخدمة اللى انت بتعملها marketing مين الناس اللى هيهتموا بيها (buyer persona) وتبتدى تشتغل على الناس دى.

Identify customers

-أنت فى عالم وهما فى عالم تانى خالص؟ بكلمك عن المنافسين بتوعك يا سيدى هو انت فاكر انك هتعمل ال marketing campaign بتاعتك من غير ما تكون متابعهم وعارف هما بيعملوا ايه وبيشتغلوا أزاى طب تيجى أزاى لازم تكون متابعهم كويس وفاهم هما بيعملوا ايه وتشتغل على الاساس داه او بمعنى تانى لازم ال competitors بتوعك يكون تحت عينك دايما.

Understanding competitors

-هتعمل ايه بعد كل ده؟ عملت كل الحاجات اللى اتفقنا عليها عايزك بقى تقعد مع نفسك كدة وتشوف هتنفذ ال campaign أزاى هات ورقة وقلم وأقعد اعمل search على google وحاول تفهم المنتج اللى عايز تسويق ايه هى أكتر مواقع من مواقع ال social media اللى هتساعدك على داه يعنى طرق التسويق هتتقسم أزاى؟ يعنى ال customers بتوعى موجودين فين؟ هل على facebook ولا twitter ....etc

Tactics

هنيجى بقى هنا لأهم حاجة وهى الcontent الكلام اللى الcustomers لما يقروه ميقدروش يمسكوا نفسهم ويشتروا المنتج عالطول الجزء داه مهم جدا لان ال content لو رخم يبقى كأنك يا أبو زيد ما غزيت ف عشان خاطرى حاول تقرا شوية عن ال content strategy عشان داه هيفرق معاك جدا.

Content Strategy

-دى فلوس ناس دى!!! لازم تحدد ال budget وتهتم بأنه يكون متوزع صح يا أما هتزعل سواء من مديرك لو انت فى شركة أو هتزعل على نفسك لو هيا فلوسك عشان كدة ال marketing مفيهوش عناد يعنى لو ال camping بتاعتك مجبتش ال goals بتاعتها مش عيب يبقى توقف ال camping وتراجع كل حاجة فيها وتضيف التعديلات بتاعتك عليها وتكمل تانى لازم تخلى بالك من ال budget مش علشان السببين اللى احنا قولناهم. بس عشان تبقى ناجح ف شغلك.